هاده البيبي الحلو ابن أحلام وعمار العقرباوي. عمره اليوم ٢٠ اسبوع ويومين.. يعني بيخلص اقامته بالرحم يوم ٢٠٢٠/٧/٢ لما يكمل اربعين اسبوع من عمره المديد. وزنه اليوم كان ٣٢٣ غرام. اسعدنا انا وامه وورجانا صور حلوة كتير بكل حركاته خاصة الپوزات في ايديه على وجهه.
منعرفكم على بيبي ست جمانة عطية. عمرها ٢٤ أسبوع ويوم ووزنها ٨٠٥ غرام. هالحلوة اللي بتكبر بسرعة كل يوم داخل الرحم بتكمل أربعين أسبوع من عمرها يوم ٢٠٢٠/٥/٣. اذا بتحبي معلومات اكتر- مثلاً متى يكتمل الحمل إقرأي مقال عن الموضوع نشرناه سابقاً.
هادي البيبي الحلوة بنت إسراء وعلاء السرحان وكانت نشيطة ومتعاونة اثناء التصوير. قطعت ٢٦ اسبوع ويومين من عمرها المديد باذن الله. ٢٠٢٠/٤/١١ هو اليوم اللي بتكمل فيه ٤٠ أسبوع داخل الرحم وبتصير حاضرة للولادة. اليوم وزنها كيلوغرام و٣٢ غرام وهو مناسب لعمرها.
هادي صورة بيبي ست إيمان البارودي وعمرها عشرين أسبوع بالزبط، يعني نص الشهر الخامس عالتكّة- أنسب وقت للتصوير المفصل للإطمئنان على سلامة كل جنين. صورناها وهي بتحرك إيدها الزغيرة باتجاه منخارها الحلو. زهّهقناها بتصوير كل وضعياتها فشفناها بتتاوب 😍
ممكن تشوفي صور تانية على صفحة كتابنا المسموع مشوارِك مع الحمل على فيسبوك عبر الرابط www.facebook.com/mishwarek
هادي صورة جنين ست إخلاص أبو غلّوس (زكرنا الإسم بموافقتها، يعني إختياري). عمر البيبي الحلوة ١٨ أسبوع و٤ أيام, يعني في أول الشهر الخامس — بكير شوي فالوقت المفضّل للتصوير المفصل للجنين ٢٠-٢٢ أسبوع. في الصورة التانية بتقدروا تشوفوا العدسة جوّا العين.